© APACAF | 07/01/2022 | Deputación_21

Deputación de Pontevedra subvencionou no 2021 a horta ecolóxica do centro A Braña de APACAF

A Deputación de Pontevedra apoia un ano máis a horta ecolóxica do centro A Braña de APACAF a través das subvencións dirixidas a entidades sen fins de lucro no ámbito social.

A horta ecolóxica é unha das actividades preferidas dos usuarios do centro, nela participan durante todo o ano facendo tarefas de mantemento, plantación e recollida de produtos como leitugas, fresas, tomates, cabaciños, cebolas, etc. A tarefa preferida sen dúbida é a recolleita, pero regar tamén gusta moito. Tamén se fan actividades de coidado do galiñeiro, como darlle de comer ás galiñas e recoller os ovos cos que despois facemos estupendos pratos caseiros.

Todos os produtos se destinan á cociña do centro e en moitas ocasións son os propios usuarios os que axudan a facer a comida no taller de cociña ou repostería.

O centro A Braña ten en funcionamento a súa pequena horta ecolóxica dende os anos 90  e conta coa certificación de agricultura ecolóxica do CRAEGA          

  

 

Voltar