FINS E ACTIVIDADES

FINS:

Son fins estatutarios de FUNDITEA:

Apoiar, asesorar, orientar e acompañar ás personas con discapacidade e/ou TEA na toma de decisións e no relativo a o seu benestar e á administración dos seus bens.
Promover e xestionar recursos residenciais, de ocio e tempo libre e de rehabilitación psico-social e laboral que contribúan ó benestar ou a mellora da calidade de vida das persoas con discapacidade, especialmente aquelas con TEA.
Xerar emprego, mediante cualquera forma legal, protexido ou non, para a integración laboral das persoas con discapacidade, especialmente aquelas con TEA.
Promover a formación nos seguintes eidos:

Promoción e realización de iniciativas relacionadas coa investigación sobre discapacidade e especialmente sobre o Trastorno do Espectro Autista, que poidan axudar na mellora da calidade de vida deste colectivo
Promover a formación de profesionais cualificados relacionados con este sector o con outros ámbitos, particularmente os que teñen unha maior influencia na calidade de vida destas persoas (escolar, sanitario, empresarial...), así como doutras persoas que desexen máis formación sobre estes aspectos.
Formación social, laboral e académica de persoas con discapacidade, con especial atención a persoas con TEA
Orientación laboral e social necesaria para acadar o maior nivel de integración laboral e social das persoas con discapacidade, especialmente aquelas con TEA
Formación a familias de persoas con discapacidade, especialmente aquelas con TEA.
Orientación e asesoramento a familias de persoas con discapacidade, con especial interese aquelas con TEA, para que teñan acceso ós recursos máis axeitados ás súas necesidades

Difusión social dunha imaxe positiva e normalizada do concepto de discapacidade como “diversidade funcional” tal como se define na CIF: Clasificación Internacional do Funcionamento, da Discapacidade e da Saúde. OMS. IMSERSO. 2001.

ACTIVIDADES:

Levar a cabo cantas actuacións xurídicas, administrativas o doutra índole que pudera exigir a protección do interés vital das persoas con discapacacidade e especialmente aquelas con TEA.
Buscar o patrocinio de empresas e doutras entidades, e establecerá a necesaria colaboración coas diferentes Administracións Públicas, a fin de promover e apoiar a creación de recursos de atención residencial, de ocio e tempo libre e de rehabilitación psicosocial e laboral, e outros que contribúan á integración social das persoas con discapacidade, particularmente aquelas con TEA .
Asumir un papel activo no apoio á contratación e promoción de emprego de persoas con discapacidade, especialmente aquelas con TEA, así como da súa orientación e formación laboral
Promover todas aquelas actividades formativas de interese para acadar a integración social deste colectivo, tales como xornadas, cursos, simposiums, publicacións, etc.
Apoiar e promover todas aquelas accións que contribúan a unha maior difusión social dunha imaxe integradora e normalizada
En xeral, desenvolver todas aquelas actividades encaminadas ó cumprimento dos seus fins.