Noticias 

© APACAF | 29/06/2015 | Asamblea de socios de APACAF junio 2015

A Asemblea de socios de APACAF aproba o III Plano Estratéxico

29/06/2015

A asemblea xeral de socios de APACAF aprobou na súa última reunión do 28 de xuño de 2015 o III Plano Estratéxico da entidade. Este  novo Plano Estratéxico estará vixente durante o periodo 2015 a 2020, e os seus principais eixos estratéxicos serán:

  • Na atención a usuarios as principais áreas de actuación serán o desenvolvemento e continuación do traballo coa Planificación Centrada na Persoa (PCP); o método Teacch, o programa de Emprego con Apoio, as escalas de valoración na idade adulta,  ou o apoio condutual positivo.
  • En infraestructuras traballarase na  construción dun novo anexo e na rehabilitación da cociña do centro A Braña, entre outras obras de mantemento e imprevistos.
  • En xestión as principales áreas de actuación serán a busca de financiamento, mellorar a comunicación externa e interna, manter o sistema de xestión de calidade ou optimizar as aplicacións informáticas.

A asemblea de socios de APACAF aprobou tamén a memoria de actividades da entidade, as contas anuais de 2014,  e os orzamentos para 2015. Todos estes documentos están dispoñibles na nosa páxina web.

Como é habitual, a asemblea finalizou cunha comida de confraternidade entre socios, profesionais e usuarios nun ambiente festivo e cordial.

Arquivada en:
Infórmate > Novas