© Fundación Barrié | 23/06/2017 | Taller_Boas_Prácticas_web

APACAF participa nunha xornada de Boas Prácticas Web

Dentro do Programa Más Social Conecta2 de Fundación Barrié

APACAF participou nun taller de intercambio de Boas Prácticas Web organizado pola Fundación Barrié. Baixo o lema “Compartindo fortalezas, aproveitando oportunidades” máis de vinte entidades do terceiro sector galego compartiron experiencias e proxectos dirixidos a mellorar a súa comunicación dixital.

No taller abordáronse, dende o punto de vista do sector social,  temas relacionados cos medios de comunicación dixitais, principalmente a web e as redes socias. Cada entidade fixo unha presentación dunha boa práctica desenvolvida dentro do Programa Más Social Concecta2 e baixo a supervisión da Fundación Barrié. Presentáronse proxectos relacionados coa comunicación interna e externa, o posicionamento web e medición de resultados, a linguaxe audiovisual ou a creación de marca asociativa, entre moitos outros temas.

A boa práctica que presentou APACAF foi “Pasos e claves para cumprir os 9 principios de Fundación Lealtad e obter o selo de ONG Acreditada”. 

Voltar